దారుణం.. మురుగు కాలువలో మునిగి మరీ క్లీన్ చేసిన సఫాయి కార్మికుడు

దిశ, వెబ్‌డెస్క్: గ్రేటర్ వరంగల్ కార్పొరేషన్ అధికారుల్లో మానవత్వం మంటగలిసింది. శానిటరీ సిబ్బందిని డ్రైనేజీలో దింపి మరీ క్లీనింగ్ చేయించడం కలకలం రేపింది. మిషన్లను వాడకుండా డైరెక్ట్ గా డ్రైనేజీలోకి సఫాయి కార్మికుడిని దించడం, ఆయన డ్రైనేజీలో మునుగుతూ క్లీన్ చేసే దృశ్యాలు కలచివేశాయి. 5వ డివిజన్ డ్రైనేజీ కాలువలో చెత్తపేరుకుపోయిందని ఫిర్యాదు రాగా అధికారులు కార్మికుడితో పని చేయించారు. అశుద్ధం కలిగిన మురుగులో పూర్తిగా మునిగి మరీ కార్మికుడు క్లీన్ చేశాడు. కనికరం లేకుండా పక్కనే ఉండి అధికారులు చోద్యం చూడటం చర్చనీయాంశంగా మారింది. నిస్సిగ్గుగా ప్రవర్తించిన అధికారులపై పలువురు స్థానికులు ఫైర్ అయ్యారు.