CM Revanth Reddy : సీఎం రేవంత్ రెడ్డిని కలిసిన చెస్ గ్రాండ్ మాస్టర్ పెంటాల హరికృష్ణ

దిశ, వెబ్ డెస్క్ : భారతీయ చెస్ గ్రాండ్ మాస్టర్ పెంటాల హరికృష్ణ(Indian Chess grandmaster Pentala Harikrishna) తన తల్లిదండ్రులతో కలిసి జూబ్లీహిల్స్ నివాసంలో సీఎం రేవంత్ రెడ్డి(CM Revanth Reddy)ని మర్యాద పూర్వకంగా కలిశారు. ఈ సందర్భంగా సీఎం రేవంత్ రెడ్దికి తాను సాధించిన 2024 ఇంటర్నేషనల్ చెస్ ఫెడరేషన్ ఫైడ్(FIDE) 45 వ చెస్ ఒలంపియాడ్‌లో స్వర్ణ పతకంతో పాటు చైనా హెంగ్జ్యూ లో 2022 లో జరిగిన ఏసియన్ గేమ్స్‌లో సాధించిన సిల్వర్ మెడల్‌ను హరికృష్ణ చూపించారు.

అంతర్జాతీయ చదరంగం టోర్నీల్లో హరికృష్ణ సాధించిన విజయాలను సీఎం రేవంత్ రెడ్డి అభినందించారు. ప్రభుత్వం తరుపునా మునుముందు అవసరమైన సహకారం అందిస్తామన్నారు. వారి వెంట పీఏసీ చైర్మన్ అరికపూడి గాంధీ, తెలంగాణ స్పోర్ట్స్ అథారిటీ చైర్మన్ శివసేనా రెడ్డిలు ఉన్నారు.