మినరల్​ వాటర్​ ప్లాంట్​లపై సౌత్​ ఈస్ట్​ టాస్క్​ఫోర్స్​ పోలీసుల దాడులు

దిశ, చార్మినార్​ : నిబంధనలకు విరుద్ధంగా నడుస్తున్న మూడు మినరల్​ వాటర్​ ప్లాంట్స్​పై సౌత్​ ఈస్ట్​ టాస్క్​ ఫోర్స్​ పోలీసులు, ఫుడ్​ సేఫ్టీ, రెవెన్యూ అధికారులతో కలిసి దాడులు నిర్వహించారు. బ్రాండెడ్​ కంపెనీల పేర్లతో మోసం చేస్తూ, ప్రజల ఆరోగ్యాలతో చెలగాటమాడుతున్న ముగ్గురుని సౌత్​ ఈస్ట్​ టాస్క్​ఫోర్స్​ పోలీసులు అదుపులోకి తీసుకున్నారు. వారి వద్ద నుంచి రూ.3,34,080 విలువగల 500 ఎంఎల్​ 23808 వాటర్​ బాటిళ్లు, 1000 ఎంఎల్​ 4800 వాటర్​ బాటిళ్లను పోలీసులు స్వాధీనం చేసుకున్నారు. సౌత్​ ఈస్ట్​ టాస్క్​ఫోర్స్​ ఇన్​స్పెక్టర్​ ప్రసాద్​ వర్మ తెలిపిన వివరాల ప్రకారం ... చాంద్రాయణగుట్ట, సంతోష్​నగర్​, కంచన్​బాగ్​ పోలీస్​ స్టేషన్​ల పరిధిలో గత కొంత కాలంగా బ్రాండెడ్​ కంపెనీల పేర్లు చిన్న మార్పులతో నిబంధనలకు విరుద్దంగా మినరల్​ వాటర్​ను తయారు చేస్తున్న మూడు వాటర్​ ప్లాంట్స్​ పై విశ్వసనీయ సమాచారం మేరకు సౌత్​ ఈస్ట్​ టాస్క్​ఫోర్స్​ పోలీసులు ఫుడ్​ సేఫ్టీ, రెవెన్యూ అధికారులతో కలిసి దాడులు నిర్వహించారు.

వేర్వేరు ప్రాంతాలలో దాడులు నిర్వహించి నిబంధనలకు విరుద్దంగా మినరల్​ వాటర్​ బాటిళ్లను తయారు చేస్తున్న వాటర్​ ప్లాంట్​ యజమానులు చార్మినార్​కు చెందిన మొహమ్మద్​ సజ్జాద్​ (34), మాసబ్​ ట్యాంక్​కు చెందిన సయ్యద్​ సిరాజ్​ (36), చాంద్రాయణగుట్ట కు చెందిన సలాం బిన్​ నాజర్​ అన్​ నకీబ్​ (46)లను రెడ్​ హ్యాండెడ్​గా అదుపులోకి తీసుకున్నారు. బిఐఎస్​తో పాటు ట్రేడింగ్​ లైసెన్స్​, ఎఫ్​ఎస్​ఎస్​ఎఐ లేకుండా మినరల్​ వాటర్​ బాటిళ్లను తయారు చేస్తున్న పోలీసులు గుర్తించారు. అలాగే బిస్లరీ పేరును చిన్న మార్పులతో బిస్ల్టెరీగా, బ్రిషెరీగా బార్లీగా, కిన్లీ ని కిన్వీగా పేర్లు మార్చి పెద్ద ఎత్తున వ్యాపారం నిర్వహిస్తున్నట్లు పోలీసులు గుర్తించారు. వారి వద్ద నుంచి రూ.3,34,080 విలువగల వాటర్​ బాటిళ్లను పోలీసులు స్వాధీనం చేసుకున్నారు. వారిని తదుపరి విచారణ నిమిత్తం స్థానిక పోలీస్​స్టేషన్​లకు అప్పగించారు. మినరల్​ వాటర్​ బాటిల్స్​ కొనేటప్పడు వినియోగదారులు జాగ్రత్తగా ఉండాలని, టిడిఎస్​ తక్కువగా ఉన్న నీటితో అనారోగ్య సమస్యలు తలెత్తుతాయన్నారు. ఈ దాడుల్లో ఫుడ్​ సేఫ్టీ, రెవెన్యూ అధికారులు,​ ఎస్​ కె కవియుద్దీన్​, పి.సాయిరామ్​, మధు తదితరులు ఉన్నారు.