హైదరాబాద్‌‌లోని కట్టెలమండిలో చిన్నారి కిడ్నాప్‌ కలకలం

దిశ, వెబ్ డెస్క్: తెలంగాణ రాజధాని నగరం హైదరాబాద్ లో మరోసారి కిడ్నాప్ కలకలం సృష్టిస్తుంది. కట్టెలమండిలో ఓ చిన్నారిని గుర్తు తెలియని దుండగులు కిడ్నాప్ చేశారు. కిడ్నాప్‌కు గురైన బాలిక ఆరేళ్ల ప్రగితిగా గుర్తించారు. కుటుంబ సభ్యుల మేరకు వివరాలు ఇలా ఉన్నాయి. కట్టెల మండి లో చిన్నారి ప్రగతి ఆడుకుంటుంది. ఈ క్రమంలో అటు నుంచి వచ్చిన ఓ వ్యక్తి పాపను ఆటోలో ఎక్కించుకుని తీసుకెళ్లాడు. అయితే కొద్ది సేపటి తర్వాత పాప కనిపించకపోవడంతో కుటుంబ సభ్యులు పోలీసులను ఆశ్రయించగా అక్కడే ఉన్న సీసీ కెమెరాల్లో పాప ఆడుకుంటుండగా.. ఆటోలో ఎక్కించుకుని కిడ్నాపర్లు తీసుకెళ్తున్న దృశ్యాలు కనిపించాయి. అయితే ఆటోలోకి ఎక్కేముందు పాప ఆనందంగా కనిపించడంతో పోలీసులు వెంటనే అప్రమత్తమై.. కిడ్నాపర్‌ను పట్టుకునేందుకు 5 పోలీసు బృందాలు ఏర్పాటు చేశారు. కాగా ఈ ఘటనకు సంబంధించిన పూర్తి వివరాలు తెలియాల్సి ఉంది.