త్వరలో రాష్ట్ర వ్యాప్తంగా సెట్విన్​ సేవలు

దిశ, చార్మినార్​ : రాష్ట్రంలో సెట్విన్​ సేవలను విస్తరింప చేయడానికి తన వంతు కృషి చేస్తానని సెట్విన్​ సంస్థ చైర్మన్​ ఎన్​.గిరిధర్​రెడ్డి అన్నారు. త్వరలోనే జహీరాబాద్​, తాండూర్​, వికారాబాద్​, సంగారెడ్డి, జడ్చర్ల ప్రాంతాలలో కేంద్రాలను ఏర్పాటు చేయబోతున్నట్లు వివరించారు. మంగళవారం సెట్విన్​ మోతి గల్లీ శిక్షణ కేంద్రాన్ని ఆయన సందర్శించారు.

    కేంద్రంలోని బ్యూటీషియన్​, కట్టింగ్​ అండ్​ టైలరింగ్​, కంప్యూటర్​, ఎయిర్​ లైన్​ టికెటింగ్​, సెల్​ ఫోన్​ రిపేర్​, కంప్యూటర్​ హార్డ్​ వేర్​, ప్రింటింగ్​ ప్రెస్​ కేంద్రాలను పరిశీలించి వివరాలు అడిగి తెలుసుకున్నారు. రాష్ట్ర ప్రభుత్వంతో సంప్రదింపులు జరిపి సెట్విన్​ను ఆర్థికంగా బలోపేతం చేయడానికి తన వంతు కృషి చేస్తానని అన్నారు. నిరుద్యోగులకు సీఎం రేవంత్​ రెడ్డి నాయకత్వంలోని కాంగ్రెస్​ ప్రభుత్వం అండగా ఉంటుందని పేర్కొన్నారు.