Metro Rail: టీ-సవారీ యాప్‌లో తెలుగు ఉండాల్సిందే.. వివిధ రాష్ట్రాల్లో స్థానిక భాషల్లో సేవలు

దిశ, డైనమిక్ బ్యూరో: హైదరాబాద్ మెట్రో ట్రైన్ యాప్ టీ-సవారీ గురించి అందరికీ తెలిసిందే. మెట్రో మ్యాప్, సమయాలు, టికెట్ బుకింగ్, ఇతర మెట్రో అంశాలు పూర్తిగా టీ- పవారీ యాప్‌‌లో అనేకం ఉంటాయి. అయితే యాప్‌లో ఉండే భాష తెలుగులో అందుబాటులో లేదు. దీంతో తెలుగు వారు తీవ్ర అసంతృప్తి వ్యక్తం చేస్తున్నారు. ఈ క్రమంలోనే తెలుగు కూటమి అనే నెటిజన్ తన ట్విట్టర్ ఖాతా ద్వారా యాప్‌లో తెలుగు భాష ఎందుకు ఇవ్వడం లేదని హైదరాబాద్ మెట్రో‌కు ట్యాగ్ చేశారు.

‘హైదరాబాద్ మెట్రో రైల్ టీ-సవారీ యాప్‌ను నేను ఆరేళ్ళుగా వాడుతున్నాను.ఇందులో సమాచారం ఆంగ్లంలో తప్ప తెలుగులో ఉండటం లేదు. బెంగళూరు, చెన్నై, పూణే తదితర మెట్రో యాప్‌లలో ప్రయాణీకులకు వారి స్థానిక భాషల్లో సేవలను అందిస్తున్నప్పుడు మీరు తెలుగులో ఎందుకు ఇవ్వలేరు ? హైదరాబాద్ ఒక తెలుగు నగరం, తెలుగులో సమాచారం ఇవ్వడం తప్పనిసరి.’ అని పేర్కొన్నారు. యాప్‌లో తెలుగు భాషను తెలుగు భాషను అందుబాటులోకి తేవాలని డిమాండ్ చేశారు.