సచివాలయంలో అంతర్గత బదిలీలు.. 26 మంది అధికారులకు స్థానచలనం

దిశ, తెలంగాణ బ్యూరో: తెలంగాణ సచివాలయంలో 26 మంది అధికారులను అంతర్గత బదిలీ చేశారు. అదనపు కార్యదర్శి, సంయుక్త కార్యదర్శి, ఉప కార్యదర్శి స్థాయి అధికారులను బదిలీ చేశారు. ఈ మేరకు బుధవారం ప్రభుత్వ ప్రధాన కార్యదర్శి శాంతి కుమారి ఆదేశాలు జారీ చేశారు. ఒకే శాఖలో సంవత్సరాలుగా పాతుకపోయిన అధికారులను బదిలీ చేయాలని ప్రభుత్వం నిర్ణయించింది. ఈ నేపథ్యంలో అంతర్గత బదిలీలు చేపట్టారు. బదిలీ అయిన వారిలో అదనపు కార్యదర్శులు ఏడుగురు, సంయుక్త కార్యదర్శులు ఏడుగురు, ఉప కార్యదర్శులు 12 మంది ఉన్నారు.