Fire Accident : హిమాయత్ నగర్‌లో అగ్నిప్రమాదం

దిశ, హిమాయత్ నగర్ : హిమాయత్ నగర్ లోని స్ట్రీట్ నెంబర్ 18 లో గురువారం రాత్రి అగ్నిప్రమాదం చోటుచేసుకుంది. ఓ అపార్ట్మెంట్ లో నాల్గవ అంతస్తులోని ఫ్లాట్ లో మంటలు చెలరేగాయి. ఉదయం ఫ్లాట్లో పూజ చేసి బయటకు వెళ్లిన ఫ్లాట్ ఓనర్ అతను బయటకు వెళ్లే సమయంలో బాల్కనీ డోర్ తెరిచి పెట్టి వెళ్లారు. ఒక్కసారిగా ఫ్లాట్ నుంచి మంటలు చెలరేగడంతో అపార్ట్మెంట్ వాసులు, పోలీసులకు, అగ్నిమాపక, విపత్తు సిబ్బందికి సమాచారం అందించారు. అగ్నిమాపక యంత్రాలతో మంటలను అదుపులోకి తీసుకొచ్చారు. ఫ్లాట్ ఉన్న ఫర్నిచర్ మొత్తం ఖాళీ బూడిదయింది. అధికారులు వెంటనే స్పందించడం తో పెను ప్రమాదం తప్పినట్లు అపార్ట్మెంట్ వాసులు పేర్కొన్నారు. ఎలాంటి ప్రాణనష్టం జరగలేదని.. కేసు నమోదు చేసుకుని దర్యాప్తు చేస్తున్నట్లు నారాయణగూడ ఎస్ఐ షేక్ షఫీ తెలిపారు.