Drugs Seized : పండుగ ‘మత్తు’.. ఓ వైద్యుడి ఇంట్లో డ్రగ్స్ స్వాధీనం

దిశ, శేరిలింగంపల్లి : జనాలు అందరూ దీపావళి వేడుకల్లో ఉంటే కొందరు యువకులు మాత్రం డ్రగ్స్ పార్టీ ప్లాన్ చేసుకుని డ్రగ్స్ తో పోలీసులకు చిక్కారు. ఈ ఘటన గురువారం రాత్రి చందానగర్ (Chandanagar)పోలీస్ స్టేషన్ పరిధిలో చోటుచేసుకుంది. చందానగర్ పోలీస్ స్టేషన్ పరిధిలోని గుల్మొహర్ పార్క్ లో గల ఓ వైద్యుడి ఇంట్లో కొంతమంది డ్రగ్స్ పార్టీ ప్లాన్ చేశారన్న పక్కా సమాచారంతో చందానగర్ పోలీసులు ఆ ఇంటి పై దాడులు చేశారు. రాజస్థాన్ (Rajasthan) నుంచి డ్రగ్స్ తెచ్చి నగరంలో విక్రయిస్తున్నట్లు గుర్తించిన పోలీసులు.. ఘటనా స్థలంలో రూ.18 లక్షల విలువ చేసే 150 గ్రాముల ఎండీఎంఏ డ్రగ్స్ ను సీజ్ (Seized) చేశారు. ఈ కేసులో ఒకరిని అదుపులోకి తీసుకోగా మరో ఐదుగురు పరారీలో ఉన్నట్లు సమాచారం. ఈ ఘటనపై చందానగర్ పోలీసులు కేసు నమోదు చేసుకొని దర్యాప్తు చేస్తున్నారు.