R. S. Praveen Kumar: ఆర్ఎస్ ప్రవీణ్ కుమార్ కు అవినీతి సర్వే రిపోర్టు

దిశ ప్రతినిధి , హైదరాబాద్ : సమాజంలో అవినీతి నిర్మూలన కోసం పనిచేస్తున్న యూత్ ఫర్ యాంటీ కరప్షన్ సంస్థ గత రెండు సంవత్సరాల నుంచి రెండు తెలుగు రాష్ట్రాలలో అవినీతి నిర్మూలనపై సర్వే నిర్వహిస్తోందని సంస్థ ఫౌండర్ రాజేంద్ర పల్నాటి తెలిపారు. ఈ మేరకు బుధవారం ఆయన తెలిపారు. ప్రభుత్వ అధికారుల పనితీరు ఎలా ఉంది, ఓ సామాన్యుడు ప్రభుత్వ కార్యాలయానికి వెళితే అధికారుల ప్రవర్తన ఎలా ఉంది వంటి పలు అంశాలపై సర్వే నిర్వహించామని, ఆ సర్వే రిపోర్టును రెండు రాష్ట్రాల ప్రభుత్వాలతో పాటు ప్రతిపక్షపార్టీలకు కూడా అందజేస్తున్నామన్నారు. ఇందులో భాగంగా బీఎస్పీ పార్టీ రాష్ట్ర అధ్యక్షుడు ఆర్ఎస్ ప్రవీణ్ కుమార్, మాజీ సీనియర్ ఐఏఎస్ ఆకునూరి మురళికి సర్వే రిపోర్టును అందజేశామన్నారు. ఈ రిపోర్టు ఆధారంగా అవినీతికి పాల్పడుతున్న వారి విషయాన్ని ప్రభుత్వం దృష్టికి తీసుకెళ్లి అవినీతి రహిత సమాజం కోసం పాటుపడేలా చూడాలని విజ్ఞప్తి చేశామని పేర్కొన్నారు. ఈ కార్యక్రమంలో కొన్నె దేవేందర్, నాగేంద్ర, మణిదీప్, బత్తిని రాజేశ్, కొల్లె భవాని పాల్గొన్నారు.