కూడళ్లలో అసభ్యంగా ప్రవర్తిస్తున్న ట్రాన్స్ జెండర్ల అరెస్ట్..

దిశ, శేరిలింగంపల్లి: జనసంచారం ఉండే బహిరంగ ప్రదేశాల్లో అసభ్యంగా ప్రవర్తిస్తూ ప్రజలను ఇబ్బంది పెడుతున్న పలువురు ట్రాన్స్ జెండర్లను సైబరాబాద్ పోలీసులు అరెస్ట్ చేశారు. శుక్రవారం ఐటీ కారిడార్ లోని మాదాపూర్, గచ్చిబౌలి, అల్లాపూర్ పోలీస్ స్టేషన్ల పరిధిలోని ట్రాఫిక్ సిగ్నల్స్ వద్ద యాంటీ హ్యూమన్ ట్రాఫికింగ్, చైల్డ్ సేఫ్టీ వింగ్ పోలీసులు ఆకస్మిక దాడులు నిర్వహించారు. ఐకియా షాపింగ్ మాల్, కైతలాపూర్ బ్రిడ్జి, బొటానికల్ గార్డెన్ రోడ్డు వద్ద మొత్తం 11 మంది ట్రాన్స్ జెండర్ లను అదుపులోకి తీసుకున్నారు. సైబరాబాద్ పోలీసులు ట్రాన్స్ జెండర్ లపై కేసులు నమోదు చేశారు. ప్రజలు తిరిగే ప్రాంతాల్లో ఎక్స్పోజింగ్ చేస్తూ పాటలు పాడుతూ వాహన దారులను అసౌకర్యానికి గురి చేసి డబ్బులు వసూలు చేస్తే సహించేది లేదని పోలీసులు హెచ్చరించారు.