అనిశా వలలో మలక్ పేట్ కమర్షియల్ ట్యాక్స్, అసిస్టెంట్ కమిషనర్ ..

దిశ,కార్వాన్ : మలక్పేట్ సర్కిల్ 2 కు చెందిన కమర్షియల్ టాక్స్ అధికారి మహబూబ్ పాషా అనిశా వలలో చిక్కుకున్నాడు. బుధవారం నాంపల్లి గగన్ విహార్లో అనిశా అధికారులు దాడులు నిర్వహించి మహబూబ్ పాషా తో పాటు అదే సర్కిల్ కి చెందిన అసిస్టెంట్ కమిషనర్ సోమశేఖర్ ను అదుపులోకి తీసుకున్నారు. ఓ ఫిర్యాదుదారుడు తన బ్యాంకు ఖాతాను డిఫ్రీజ్ చేసి లెటర్ ఇవ్వడానికి లక్ష రూపాయలు మహబూబ్ పాషా కు లంచం ఇవ్వాలని డిమాండ్ చేశారు. అందులో రూ. 50 వేలు ముందుగా అడ్వాన్స్ఇవ్వాలని కోరాడు. ఈ క్రమంలో రూ. 50 వేలు లంచం తీసుకుంటుండగా ఏసీబీ అధికారులు దాడులు నిర్వహించి రెడ్ హ్యాండెడ్గా ఇద్దరిని పట్టుకొని రిమాండ్ కు తరలించినట్లు ఏసీబీ అధికారులు తెలిపారు. ఎవరైనా అధికారులు లంచం డిమాండ్ చేస్తే ఏసీబీ టోల్ ఫ్రీ నెంబర్ 1064 ను సంప్రదించాలని, వారి చిరునామాను గోప్యంగా ఉంచుతామని ఏసీబీ అధికారులు తెలిపారు.