CM Revanth Reddy : ప్రపంచ అగ్రశ్రేణి నగరంగా హైదరాబాద్ ను తీర్చిదిద్దుతాం : సీఎం రేవంత్ రెడ్డి

దిశ, వెబ్ డెస్క్ : ప్రపంచ అగ్రశ్రేణి(Top city in the world) నగరంగా హైదరాబాద్ ను తీర్చిదిద్దుతామని సీఎం రేవంత్ రెడ్డి(CM Revanth Reddy) మరోసారి పునరుద్ఘాటించారు. దేశంలో అత్యంత వేగంగా అభివృద్ధి చెందుతున్న నగరాల్లో హైదరాబాద్ అగ్రస్థానంలో నిలిచిందని రియల్ ఎస్టేట్ కన్సల్టెన్సీ సంస్థ నైట్ ఫ్రాంక్ ఇండియా ప్రైమ్ సిటీ ఇండెక్స్ పేరుతో విడుదల చేసిన నివేదికలో వెల్లడించింది. పరిపాలనా సౌలభ్యం, ఆర్థిక సామాజిక పరిస్థితులు, స్థిరాస్తి(రియల్టీ), మౌలిక సదుపాయాు ఇందుకు కలిసి వస్తున్నాయంటూ నివేదికలో పేర్కొంది.

ఈ నివేదిక కథనాలను ఎక్స్ లో పోస్టు చేసిన సీఎం రేవంత్ రెడ్డి హైదరాబాద్‌ను అన్ని రంగాలలో గొప్ప నగరంగా తీర్చిదిద్దేందుకు మేము అవిశ్రాంతంగా కృషి చేస్తున్నామని, ఈ నివేదిక మా ప్రయత్నాలకు, దృష్టికి గొప్ప సానుకూలతను అందించిందని తెలిపారు. మనమందరం కలసి హైదరాబాద్‌ను ప్రపంచంలోని అగ్రశ్రేణి నగరాల్లో ఒకటిగా మార్చగలమని, దేశంలో అభివృద్ధి చెందుతున్న నగరాల్లో హైదరాబాద్ సిటీ అగ్రస్థానంలో ఉందన్న శుభవార్తను ప్రపంచంలోని ప్రతి మూలకు తీసుకెళ్లడంలో ప్రతి ఒక్క హైదరాబాదీ చురుకైన గొంతుక కావాలని నేను కోరుతున్నానని రాసుకొచ్చారు.