రేపు SS Rajamouli తో హోం మంత్రి అమిత్ షా భేటీ!
ఖమ్మం జిల్లాలో ఈనెల 15వ తేదీన బీజేపీ నిర్వహిస్తోన్న భారీ బహిరంగ సభ నేపథ్యంలో రేపు రాత్రికి కేంద్రహోంశాఖ మంత్రి అమిత్ షా హైదరాబాద్ రానున్నారు.
దిశ, వెబ్‌డెస్క్: ఖమ్మం జిల్లాలో ఈనెల 15వ తేదీన బీజేపీ నిర్వహిస్తోన్న భారీ బహిరంగ సభ నేపథ్యంలో రేపు రాత్రికి కేంద్రహోంశాఖ మంత్రి అమిత్ షా హైదరాబాద్ రానున్నారు. శంషాబాద్ నోవాటేల్ హోటల్‌లో ఆయన బస చేయనున్నారు. అదే సమయంలో రాష్ట్ర బీజేపీ నేతలతో సమావేశం కానున్నట్లు సమాచారం. అనంతరం ఎల్లుండి ఉదయం అగ్ర దర్శకులు రాజమౌళితో అమిత్ షా మర్యాదపూర్వకంగా భేటీ కానున్నట్లు సమాచారం. అనంతరం లంచ్ తరువాత ప్రత్యేక హెలికాఫ్టర్‌లో భద్రాచలం వెళ్లి అక్కడ స్వామివారికి ప్రత్యేక పూజలో పాల్గొంటారు. ఆపై ఖమ్మంలో జరిగే బహిరంగ సభలో అమిత్ షా పాల్గొంటారు. అయితే, 15వ తేదీన అమిత్ షా షెడ్యూల్ ఖరారు కాగా.. అనూహ్యంగా పర్యటనలో మార్పులు చేసిన 14న రాత్రికే నగరానికి రప్పించడం రాష్ట్ర రాజకీయాల్లో హాట్ టాపిక్‌గా మారింది.