రైతన్నలకు బిగ్ అలర్ట్.. వారం రోజుల పాటు రాష్ట్రంలో భారీ వర్షాలు

దిశ, వెబ్‌డెస్క్ : తెలంగాణ ప్రజలకు వాతావరణ శాఖ కీలక హెచ్చరికలు జారీ చేసింది. గత రెండు రోజుల నుంచి రాష్ట్రంలో మోస్తారు వర్షాలు కురుస్తున్న విషయం తెలిసిందే, కాగా, ఈ వారం రోజుల పాటు రాష్ట్రంలోని పలు ప్రాంతాలలో తేలికపాటి నుంచి మోస్తారు వర్షాలు పడే అవకాశం ఉందని తెలిపింది. అలాగే కొన్ని ప్రాంతాలలో వడగళ్ల వర్షం కురిసే అవకాశం ఉందని, రైతన్నలు జాగ్రత్తగా ఉండాలని తెలిపింది.

ఇక ఇప్పటికే వడగండ్ల వర్షాలతో రైతులు ఆరుగాలం పండించిన పంట నేల పాలు కావడంతో వారి కంట కన్నీరే మిగిలిందని చెప్పవచ్చు. ఇక ఇప్పుడు అధికారులు సూచనలతో రైతుల గుండెళ్లో రైళ్లు పరిగెడుతున్నాయి. పంటను ఎలా కాపాడుకోవాలని బాధపడుతున్నారు.