హైదరాబాద్‌లో ఒక్కసారిగా మారిన వాతావరణం.. నగరంలో పలు చోట్ల భారీ వర్షం

దిశ, వెబ్‌డెస్క్: హైదరాబాద్‌లోని పలు ప్రాంతాల్లో భారీ వర్షం కురుస్తోంది. శనివారం ఉదయం నుండి నగరంలో ఎండ దంచికొట్టగా.. మధ్యాహ్నం సమయానికి ఒక్కసారిగా వాతావరణం మారిపోయింది. ఆకాశం మేఘావృతం కావడంతో పాటు పలు ప్రాంతాల్లో భారీ వర్షం కురుస్తోంది. నగరంలోని కూకట్ పల్లి, దుండిగల్, మల్లంపేట్, గండిమైసమ్మ, సూరారం, గాగిల్లాపూర్, కొండాపూర్, శేరిలింగంపల్లి, మియాపూర్, చందానగర్, మదీనగూడతో పాటు పలు ప్రాంతాల్లో వర్షం పడుతోంది. వర్షం కారణంగా పలు ప్రాంతాల్లో భారీగా ట్రాఫిక్ జామ్ అయ్యింది.