TS: గ్రూప్-1 ప్రిలిమ్స్ హాల్‌ టిక్కెట్లు విడుదల

దిశ, డైనమిక్ బ్యూరో: తెలంగాణ గ్రూప్-1 ప్రిలిమ్స్‌కు సంబంధించిన హాల్‌ టిక్కెట్లు ఆదివారం విడుదల అయ్యాయి. అక్టోబర్‌ 16న నిర్వహించనున్న ప్రిలిమ్స్‌ పరీక్షకు సంబంధించిన హాల్ టిక్కెట్లను టీఎస్‌పీఎస్సీ విడుదల చేసింది. హాల్‌ టికెట్లను https://www.tspsc.gov.in/ వెబ్‌సైట్ ద్వారా డౌన్లోడ్ చేసుకోవచ్చు. ఈ గ్రూప్-1 ప్రిలిమ్స్ పరీక్షను నిర్వహించేందుకు టీఎస్‌పీఎస్సీ అన్నీ ఏర్పాట్లను పూర్తి చేసింది. 503 గ్రూప్‌-1 పోస్టుల భర్తీకి గానూ దాదాపు 3,80,202 మంది అప్లై చేసుకున్నారు. అంటే ఒక్కో పోస్టుకు 756 మంది పోటీపడుతున్నారన్న మాట. కాగా, 16న ప్రిలిమ్స్ ఎగ్జామ్ జరగనుండగా.. జనవరి లేదా ఫిబ్రవరిలో మెయిన్స్ పరీక్ష నిర్వహించే అవకాశం ఉంది.