విషాదం.. గుండెపోటుతో బాలిక మృతి.!

దిశ, మరిపెడ : ఇటీవల వయసుతో నిమిత్తం లేకుండా గుండెపోటుతో చోటు చేసుకుంటున్న మరణాలు కలవరపెడుతున్నాయి. తాజాగా మహబూబాబాద్ జిల్లా మరిపెడ మండలం అబ్బాయిపాలెం గ్రామ పంచాయతీ పరిధిలోని బోడతాండలో విషాదం చోటుచేసుకుంది. స్థానికులు తెలిపిన వివరాల ప్రకారం.. బోడ తండాలో బోడ లక్పతి - వసంత దంపతుల కుమార్తె బొడ స్రవంతి (13) మరిపెడ పట్టణంలోని గ్లోబల్ పాఠశాలలో ఆరవ తరగతి చదువుతున్నది. కాగా శుక్రవారం తెల్లవారుజామున గుండెపోటుతో మృతి మృతిచెంది. బాలిక మృతితో తండాలో విషాద ఛాయలు అలుముకున్నాయి. ఈ ఘటనకు సంబంధించి పూర్తి వివరాలు తెలియాల్సి ఉంది