ఇది కదా అసలు సిసలైన కాంగ్రెస్ మార్కు "మార్పు": మాజీ మంత్రి హరీష్ రావు

దిశ, వెబ్ డెస్క్: గత ప్రభుత్వం నిర్మించిన రాష్ట్ర సచివాలయం(Secretariat)లో మార్పులు చేస్తున్నట్లు వస్తున్న వార్తలపై మాజీ మంత్రి హరీశ్(Former Minister Harish Rao) రావు ట్విట్టర్ వేదికగా స్పందించారు. ఈ సందర్భంగా తన ట్వీట్ లో "సచివాలయంలో వాస్తు మార్పులు(architectural changes) అంటు ప్రచురితమైన పేపర్ క్లిప్ ను ఆయన షేర్ చేస్తూ.. ఇలా రాసుకొచ్చారు. "గ్రీన్ టెక్నాలజీ(Green technology)తో ఫైర్ సేఫ్టీ నార్మ్స్‌తో దేశానికే తలమానికమైన కొత్త సెక్రటేరియట్(Secretariat) నిర్మిస్తే వాస్తు పిచ్చి అని.. గాయ్ గాయ్ గత్తర గత్తర చేసిన రేవంత్ రెడ్డి.. ఇప్పుడు ముఖ్యమంత్రి‌గా సెక్రటేరియట్‌కు పూటకో మార్పు చేస్తున్నాడు. వాస్తు దోషం ఉందని ఒక్క గేట్ మార్పు చేయడానికి 4 కోట్లు ఖర్చు పెడుతున్నారు. ఇది కదా అసలు సిసలైన కాంగ్రెస్ మార్కు "మార్పు"." అంటూ హరీష్ రావు రాసుకొచ్చారు.