స్టార్ హీరో సినిమాలో మాజీ సీఎం కేసీఆర్ డైలాగ్.. తీవ్ర స్థాయిలో మండిపడుతున్న బీఆర్ఎస్

దిశ, వెబ్ డెస్క్: టాలీవుడ్ స్టార్ హీరోల్లో ఒకరైన రామ్ పోతినేని, డైరెక్టర్ పూరీ జగన్నాథ్ కాంబోలో భారీ బ్లాక్ బస్టర్ అయినా.. ఇస్మార్ట్ శంకర్ సినిమాకు సీక్వెల్ గా డబుల్ ఇస్మార్ట్ అనే సినిమా రాబోతుంది. కాగా ఈ సినిమా నుంచి మంగళవారం మార్ ముంతా.. ఛోడ్ చింతా అనే లిరికల్ సాంగ్‌ను చిత్ర యూనిట్ విడుదల చేసింది. కాగా పాట కొద్ది క్షణాల్లోని తెలుగు ప్రేక్షకులు మరీ తెలంగాణ ప్రాంత వాసులకు విపరీతంగా నచ్చేసింది. మాస్ స్టేప్పులతో రామ్ డ్యాన్స్‌తో రెచ్చిపోయాడు. అయితే ఈ పాటలో మాజీ సీఎం కేసీఆర్ డైలాగ్ పెట్టడంతో బీఆర్ఎస్ నేతలు ఫైర్ అవుతున్నారు. గతంలో కేసీఆర్ ఓ ప్రెస్ మీట్ లో ఏం జేద్దమంటవు మరి అని విలేకర్లతో అన్న వాయిస్ ను ఐటం సాంగులో ఎలా వాడతరంటూ.. బీఆర్ఎస్ నేతలు తప్పుబడుతున్నారు. వెంటనే పాటలో ఉన్న కేసీఆర్ డైలాగ్ ను తొలగించాలని లేదంటే.. సినిమా విడుదల కాకుండా ఆపుతామని హెచ్చరికలు జారీ చేశారు. మరీ బీఆర్ఎస్ డిమాండుకు చిత్ర యూనిట్ ఎలా స్పందిస్తుందో చూడాలి మరీ. కాగా ఈ సినిమా ఆగస్టు 15న విడుదల కానుంది.