గుడ్‌న్యూస్.. డీఎస్సీ దరఖాస్తుల గడువు పెంపు

దిశ, డైనమిక్ బ్యూరో: తెలంగాణలో ఉపాధ్యాయ నియామక పరీక్ష(డీఎస్సీ) కోసం దరఖాస్తుల తుది గడువు పొడిగించారు. ముందుగా ప్రకటించిన షెడ్యూల్ ప్రకారం రేపటితో అప్లికేషన్ల గడువు ముగియాల్సి ఉండగా.. అభ్యర్థుల నుంచి వచ్చిన విజ్ఞప్తుల మేరకు అక్టోబర్ 28 వరకు గడువు పొడిగిస్తున్నట్లు పాఠశాల విద్యాశాఖ శుక్రవారం ప్రకటన జారీ చేసింది. ఇదిలా ఉంటే రాష్ట్రంలో 5089 టీచర్ పోస్టుల భర్తీ కోసం సెప్టెంబర్ 20 నుంచి దరఖాస్తుల ప్రక్రియ మొదలైంది. ఇదిలా ఉండగా డీఎస్సీ పరీక్ష నవంబర్ 20 నుంచి 30 వరకు నిర్వహించాల్సి ఉండగా.. ఎన్నికల కారణంగా పోస్ట్ పోన్ చేసిన సంగతి తెలిసిందే. పరీక్ష ఎప్పుడు నిర్వహిస్తారనే దానిపై కొత్త తేదీలను త్వరలోనే ప్రకటిస్తామని పాఠశాల విద్యాశాఖ అధికారులు పేర్కొన్నారు.