TG EdCET Counseling 2024 : రేపటి నుంచి ఎడ్ సెట్ సెకండ్ ఫేజ్ కౌన్సెలింగ్

దిశ, తెలంగాణ బ్యూరో: తెలంగాణ ఎడ్ సెట్ సెకండ్ ఫేజ్ కౌన్సెలింగ్ షెడ్యూల్ రిలీజైంది. గురువారం నుంచి రిజిస్ట్రేషన్ ప్రక్రియ ప్రారంభమవుతుందని ఎడ్ సెట్ కన్వీనర్ రమేశ్ బాబు బుధవారం ఒక ప్రకటనలో తెలిపారు. ఈ నెల 17 వరకు రిజిస్ట్రేషన్‌కు అవకాశం కల్పించారు. 18న వెబ్ ఆప్షన్‌కు అర్హత సాధించిన విద్యార్థుల జాబితాను ప్రకటిస్తారు. ఆ తర్వాత 19, 20 తేదీల్లో సెకండ్ ఫేజ్ వెబ్ ఆప్షన్లకు అవకాశం కల్పించనున్నారు. 21న సవరణకు అవకాశం కల్పించారు. కాగా 25వ తేదీన సీట్ల అలాట్‌మెంట్ జరగనుండగా.. 26 నుంచి 30వ తేదీ లోపు సీట్లు పొందిన విద్యార్థులు ట్యూషన్ ఫీజు చెల్లించిన రిసిప్ట్‌తో పాటు ఒరిజినల్ సర్టిఫికెట్లతో స్వయంగా సంబంధిత కాలేజీలో సెల్ఫ్ రిపోర్టింగ్ చేయాల్సి ఉంటుందని రమేశ్ బాబు స్పష్టంచేశారు.