Aghori: అఘోరి ఆశీర్వాదం తీసుకున్న డిప్యూటీ సీఎం భార్య

దిశ, వెబ్‌డెస్క్: కొద్ది రోజులుగా తెలుగు రాష్ట్రాల్లో హల్‌చల్ సృష్టిస్తున్న అఘోరీ తాజాగా ఖమ్మం జిల్లాలో ప్రత్యక్షమయ్యారు. జిల్లాలోని మధిరలో ఓ ప్రైవేటు ఆసుపత్రి ప్రారంభోత్సవ కార్యక్రమం జరుగుతుండగా.. అఘోరీ అక్కడకు చేరుకున్నారు. అయితే అదే సమయంలో అక్కడే ఉన్న తెలంగాణ డిప్యూటీ సీఎం భార్య మల్లు భట్టి విక్రమార్క భార్య మల్లు నందిని అఘోరీకి అభివాదం చేసి ఆశీర్వాదం తీసుకున్నారు. ప్రస్తుతం దీనికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. కాగా.. ఈ వీడియోలో అఘోరీ దిగంబరంగా కాకుండా నల్లటి వస్త్రం చుట్టుకుని కనిపించారు. ఇక ఈ క్రమంలోనే ఆసుపత్రి ప్రారంభ పూజలో కూడా అఘోరి పాల్గొన్నారు.