దిశ, వెబ్‌డెస్క్: వరంగల్‌లో సీఎం రేవంత్ రెడ్డి పర్యటన ప్రారంభమైంది. ఈ పర్యటనలో భాగంగా కాళోజీ కళాక్షేత్రానికి చేరుకున్న ఆయన.. అక్కడ కాళోజీ కాంస్య విగ్రహాన్ని ఆవిష్కరించారు. అనంతరం గ్యాలరీ సందర్శించారు. సీఎం వెంట డిప్యూటీ సీఎం భట్టి, మంత్రులు ఉన్నారు. ఇక మరి కాసేపట్లో ఆయన ఆర్ట్స్ కాలేజీ గ్రౌండ్‌లో నిర్వహించనున్న బహిరంగ సభలో పాల్గొంటారు. కాగా.. నిన్నటివరకు మహారాష్ట్ర ఎన్నికల్లో బిజీ బిజీగా గడిపిన సీఎం, మంత్రులు.. అక్కడ ప్రచారాలు ముగించుకుని ఈ రోజు (మంగళవారం) తెలంగాణకు చేరుకున్నారు. ఈ సందర్భంగా వరంగల్ వేదికగా కాంగ్రెస్ పార్టీ ఆధ్వర్యంలో భారీ బహిరంగ సభ నిర్వహిస్తున్నారు.