కేసీఆర్ కుట్ర చేసి కొడంగల్‌లో ఓడించారు: CM రేవంత్ కీలక వ్యాఖ్యలు

దిశ, వెబ్‌డెస్క్: అసెంబ్లీ ఎన్నికల్లో బీఆర్ఎస్‌ను బంగాళాఖాతంలో కలిపారని సీఎం రేవంత్ రెడ్డి అన్నారు. పార్లమెంట్ ఎన్నికల ప్రచారంలో భాగంగా బుధవారం కూకట్‌పల్లిలో రేవంత్ రెడ్డి కార్నర్ మీటింగ్ నిర్వహించారు. ఈ సందర్భంగా ఆయన మాట్లాడుతూ.. 2018లో కేసీఆర్ కుట్ర చేసి కొడంగల్‌లో నన్ను ఓడించారు.. నేను కొడంగల్‌లో ఓడినా.. ప్రజల మద్దతుతో మల్కాజిగిరిలో గెలిచానని అన్నారు. కార్యకర్తల కష్టం వల్లే ఇవాళ తాను సీఎంగా ఉన్నానని ఎమోషనల్ కామెంట్స్ చేశారు. ప్రజా సమస్యలపై పోరాటం చేసేందుకు కాంగ్రెస్ పార్టీకి 65 సీట్లు ఇచ్చారని, ఎన్నికల్లో ప్రజలకు ఇచ్చిన హామీలన్నీ నేరవేరుస్తామని హామీ ఇచ్చారు. మల్కాజిగిరి పార్లమెంట్ పరిధిలోని బస్తీల్లో సమస్యలు పరిష్కరించే బాధ్యత నాదని.. కాంగ్రెస్ అభ్యర్థిని భారీ మెజార్టీతో గెలిపించాలని విజ్ఞప్తి చేశారు.