Chandrayan-3: మరో కీలక ఘట్టానికి చేరుకున్న చంద్రయాన్ - 3

దిశ, వెబ్‌డెస్క్: చంద్రయాన్ - 3 మరో కీలక ఘట్టానికి చేరుకుంది. నేడు జాబిల్లి కక్ష్యలోకి చంద్రయాన్ - 3 ప్రవేశించనుంది. రాత్రి 7 గంటలకు చంద్రుడి కక్ష్యలోకి చంద్రయాన్ - 3 ప్రవేశించనుంది. ప్రస్తుతం ట్రాన్స్ లూనార్ మార్గంలో చంద్రయాన్ -3 పయనిస్తోంది. జాబిల్లి దక్షిణ ధ్రువంపై పరిశోధనలకు చంద్రయాన్ - 3ని ఇస్రో అంతరిక్షంలోకి పంపింది. ఈ నెల 23న సాయంత్రం జాబిల్లిపై చంద్రయాన్ - 3 ల్యాండర్ దిగనుంది. తద్వారా అమెరికా, రష్యా, చైనా తర్వాత ఈ ఘనత సాధించిన నాలుగో దేశంగా భారత్ అవతరించనుంది. చంద్రుడిని చేరుకునే క్రమంలో చంద్రయాన్ - 3 శుక్రవారం నాటికి మూడింట రెండొంతుల దూరాన్ని అధిగమించిందని ఇస్రో తెలిపింది. భూమి నుంచి ఇప్పటికే 2.6 లక్షల కిలో మీటర్లు ప్రయాణించినట్లు పేర్కొంది.