చంద్రమోహన్ మృతి.. పలువురు ప్రముఖుల సంతాపం..

దిశ, వెబ్‌డెస్క్: నటుడు చంద్రమోహన్ మృతితో టాలీవుడ్‌లో విషాద ఛాయలు అలుముకున్నాయి. చంద్రమోహన్ మృతి పట్ల పలువురు ప్రముఖులు సంతాపం వ్యక్తం చేశారు.

ప్రముఖ నటుడు చంద్రమోహన్ పరమపదించారని తెలిసి ఎంతో విచారించా. నాటి చిత్రాలు మొదలుకొని నిన్న మొన్నటి వరకు నటుడిగా వారి ప్రాధ్యాన్యత ఎనలేనిది. ఆయన ఆత్మకు శాంతి కలగాలని ప్రార్థిస్తున్నా’- మాజీ రాష్ట్ర పతి వెంకయ్య నాయుడు

‘ప్రముఖ నటుడు చంద్రమోహన్ గారు అనారోగ్యంతో ఆస్పత్రిలో చికిత్స పొందుతూ కన్నుమూయడం విషాదకరం. తొలి సినిమాకే నంది అవార్డు గెలుచుకున్న ఆయన తెలుగు, తమిళ భాషల్లో వందలాది సినిమాల్లో నటించి తెలుగు ప్రజల హృదయాల్లో చెరగని ముద్ర వేశారు. ఆయన కుటుంబ సభ్యులకు నా ప్రగాఢ సానుభూతి తెలియజేస్తూ.. ఆయన ఆత్మకు శాంతి చేకూరాలని కోరుకుంటున్నా..’ - ఏపీ సీఎం జగన్

‘సిరిసిరి మువ్వ’, ‘శంకరాభరణం’, ‘రాధా కళ్యాణం’, ‘నాకూ పెళ్లాం కావాలి’ లాంటి అనేక ఆణిముత్యాల్లాంటి చిత్రాల్లో తన వైవిద్య నటనా కౌశలంతో తెలుగువారి మనసులో చెరగి ముద్ర వేసిన సీనియర్ నటుడు, కథానాయకుడు చంద్రమోహన్ గారు ఇక లేరన్న వార్త ఎంతో విషాదకరం. నా తొలి చిత్రం ‘ప్రాణం ఖరీదు’ లో ఒక మూగవాడి పాత్రలో అత్యద్భుతమైన నటన ప్రదర్శించారు. ఆ సందర్భంగా ఏర్పడిన తొలి పరిచయం, ఆ తర్వాత మంచి స్నేహంగా మరింత గొప్ప అనుబంధంగా మారింది. ఆయన సాన్నిహిత్యం ఇక లేకపోవడం నాకు వ్యక్తిగతంగా తీరని లోటు. ఆయన ఆత్మకు శాంతి చేకూరాలని కోరుకుంటున్నాను. - చిరంజీవి

Read More..

చంద్రమోహన్ నటించిన చివరి తెలుగు చిత్రం ఇదే..