మంత్రి కొండా సురేఖ వ్యాఖ్యలపై బీజేపీ మహిళా మోర్చా జాతీయ అధ్యక్షురాలు సీరియస్

దిశ, వెబ్‌డెస్క్: నాగచైతన్య, సమంతలతో పాటు టాలీవుడ్ హీరోయిన్లపై కాంగ్రెస్ నేత, రాష్ట్ర మంత్రి కొండా సురేఖ చేసిన వ్యాఖ్యలను బీజేపీ మహిళా మోర్చా జాతీయ అధ్యక్షురాలు వనతీ శ్రీనివాసన్ తీవ్రంగా ఖండించారు. ఈ రోజు (శుక్రవారం) మీడియాతో మాట్లాడిన ఆమె.. రాష్ట్ర మంత్రిగా ఉన్న ఆమె ఇలాంటి వ్యాఖ్యలు చేయడం బాధాకరమని, మరొకరి కుటుంబం గురించి మాట్లాడడం కచ్చితంగా తప్పని వనతీ అన్నారు. రాజకీయ విమర్శల్లోకి ఇతరులను లాగడం సరికాదని, ఇలాంటి వ్యాఖ్యలు ఓ మహిళా మంత్రి నుంచి రావడం బాధకలిగించిందని చెప్పారు. అనంతరం బతుకమ్మ వేడుకల గురించి మాట్లాడుతూ.. కాంగ్రెస్‌కి హిందువుల పండగలంటే చిన్నచూపని, అందుకే బతుకమ్మ సంబరాలకు కూడా కోర్టు అనుమతి తీసుకోవాల్సిన పరిస్థితి ఏర్పడిందని ఆవేదన వ్యక్తం చేశారు.