KCRకు బిగ్ షాక్! టీ-కాంగ్రెస్ మద్ధతు తెలిపిన ఆ రాష్ట్ర CM

దిశ, డైనమిక్ బ్యూరో: తెలంగాణ అసెంబ్లీ ఎన్నికల్లో తమిళనాడు సీఎం స్టాలిన్ పార్టీ కాంగ్రెస్‌కు మద్దతు ప్రకటించింది. తెలంగాణలో నవంబర్ 30న జరగనున్న అసెంబ్లీ ఎన్నికల్లో కాంగ్రెస్‌కు మద్దతు ఇవ్వాలని తమిళనాడు ముఖ్యమంత్రి ఎంకే స్టాలిన్ నేతృత్వంలోని ద్రవిడ మున్నేట్ర కజగం (డీఎంకే) మంగళవారం అధికారికంగా ప్రకటించింది. ఇక్కడ ఎన్నికల్లో పోటీ చేస్తున్న కాంగ్రెస్ అభ్యర్థులను గెలిపించేందుకు కార్యకర్తలందరూ కృషి చేయాలని పార్టీ ప్రకటనలో పిలుపునిచ్చింది. కాగా, తమిళనాడులో డీఎంకే కాంగ్రెస్‌కు మిత్రపక్షం, వచ్చే ఏడాది లోక్‌సభ ఎన్నికల్లో బీజేపీని ఎదుర్కోవడానికి ఏర్పాటు చేసిన ఇండియా కూటమిలో డీఎంకే ఉన్న విషయం తెలిసిందే.