Big News: గ్రూప్-4 అభ్యర్థులకు బిగ్ అలర్ట్.. మెరిట్ జాబితా విడుదల

దిశ, వెబ్‌డెస్క్: రాష్ట్ర వ్యాప్తంగా 8,180 గ్రూప్‌-4 సర్వీసుల పోస్టులకు సర్టిఫికేట్ వెరిఫికేషన్‌కు ఎంపికైన అభ్యర్థుల మెరిట్‌ జాబితాను తాజాగా టీజీపీఎస్సీ విడుదల చేసింది. 1:3 నిష్పత్తిలో అభ్యర్థులను పోస్టులకు ఎంపిక చేసింది. సర్టిఫికేట్ వెరిఫికేషన్ ప్రక్రియ నాంపల్లి కమిషన్‌ కార్యాలయం, పొట్టి శ్రీరాములు తెలుగు విశ్వవిద్యాలయంలో కొనసాగుతుందని పేర్కొంది. సర్టిఫికేట్ వెరికేషన్‌ కోసం ప్రతి రోజు షెడ్యూల్‌ను త్వరలో అధికారిక వెబ్‌సైట్‌లో అందుబాటులో ఉంచుతామని టీజీపీఎస్సీ కార్యదర్శి నవీన్ నికోలస్ తెలిపారు. ఎంపికైన అభ్యర్థులు వెబ్‌సైట్‌ నుంచి చెక్‌లిస్టు, అటెస్టేషన్ ఫారాలు డౌన్‌లోడ్‌ చేసుకోవాలని పేర్కొన్నారు. అభ్యర్థులకు ఖాళీల వారీగా వెబ్‌ ఆప్షన్లు ఇవ్వడానికి జూన్ 13 నుంచి వెబ్‌ఆప్షన్ల లింకు అందుబాటులోకి తీసుకొస్తామని తెలిపారు.