Bandi Sanjay: టాలీవుడ్ డ్రగ్స్ కేసు విచారణ ఏమైంది? బండి సంజయ్ ప్రశ్నల వర్షం

దిశ, వెబ్‌డెస్క్: హైదరాబాద్ ను డ్రగ్స్ కు అడ్డాగా మార్చిన ఘనత టీఆర్ఎస్ ప్రభుత్వానిదని రాష్ట్ర బీజేపీ అధ్యక్షుడు బండి సంజయ్ ఆరోపించారు. ఉడ్తా హైదరాబాద్ అనే పరిస్థితిని తీసుకొచ్చారని, డ్రగ్స్ తో సంబంధం ఉన్న 15 మంది ఉద్యోగులను తొలగించారన్నారు. డ్రగ్స్ ను నిర్మూలిస్తామన్న ప్రభుత్వం ఏం చేసిందో చెప్పాలని ప్రశ్నించారు. డ్రగ్స్ వల్లే పంజాబ్ లో ప్రభుత్వం కూలిపోయిందని, కెల్విన్ అనేక పేర్లు చెప్పారన్నారని, వాళ్లంతా ఏమయ్యారని ప్రశ్నించారు. టాలీవుడ్ డ్రగ్స్ కేసు విచారణ ఏమైంది?అని ప్రశ్నించారు. ఈడీకి ఎందుకు సహకరించడం లేదని, హైదరాబాద్ ను డ్రగ్స్ కు అడ్డాగా మార్చిన ఘనత టీఆర్ఎస్ ప్రభుత్వానిదేనని అన్నారు.