ఐ అండ్​ పీఆర్​ కమిషనర్‌గా అశోక్​రెడ్డి..

దిశ, తెలంగాణ బ్యూరో: రాష్ట్ర సమాచార, పౌర సంబంధాల శాఖ స్పెషల్ కమిషనర్ గా కోరం అశోక్ రెడ్డి ఆదివారం భాద్యతలు స్వీకరించారు. డాక్టర్​ బీఆర్​ అంబేద్కర్ తెలంగాణ సచివాలయం ప్రారంభోత్సవం సందర్బంగా రెండవ అంతస్తులోని తన సాధారణ పరిపాలన శాఖ కార్యదర్శి కార్యాలయంలో మధ్యాహ్నం 1.50 గంటల ప్రాంతంలో భాద్యతలు స్వీకరించారు. ప్రత్యేక పూజలు నిర్వహించిన అనంతరం బాద్యతలు స్వీకరించారు.

జిల్లా పౌర సంబంధాల అధికారులకు వాహన సౌకర్యం కల్పించేందుకై అనుమతి నిమిత్తం ఆర్థిక శాఖకు పంపే తొలి ఫైలు పై ఆయన సంతకం చేశారు. తర్వాత సమాచార శాఖ డైరెక్టర్ రాజమౌళి, అడిషనల్ డైరెక్టర్ నాగయ్య కాంబ్లే, జాయింట్ డైరెక్టర్లు జగన్, శ్రీనివాస్, కె. వెంకట రమణ, డిప్యూటీ డైరెక్టర్లు మధుసూదన్, హష్మీ, సి.ఐ.ఇ రాధాకిషన్, ఆర్.ఐ.ఇ జయరాంమూర్తి, ఎఫ్.డి.సి. ఇ.డి కిషోర్ బాబు తదితరులు అభినందించారు.