AP DSC: నిరుద్యోగులకు గుడ్ న్యూస్.. డీఎస్సీ దరఖాస్తులకు గడువు పొడిగింపు

దిశ, డైనమిక్ బ్యూరో: నిరుద్యోగులకు ఏపీ ప్రభుత్వం గుడ్ న్యూస్ చెప్పింది. డీఎస్సీ దరఖాస్తుల గడువును ఏపీ ప్రభుత్వం పొడిగించింది. ఈ నెల 25 వరకు అభ్యర్థులు దరఖాస్తు చేసుకోవచ్చని ప్రకటించింది. కాగా, నేటితో ఫీజు చెల్లింపు గడువు, రేపటితో దరఖాస్తుల సమర్పణ గడువు ముగియనుంది. సాంకేతిక సమస్యలు ఎదురుకావడంతో నిరుద్యోగులు ఇబ్బందులు పడుతున్న నేపథ్యంలో తాజాగా అప్లికేషన్ల గడువును మూడు రోజుల పాటు పొడిగించారు. కాగా, ఎట్టకేలకు రాష్ట్ర ప్రభుత్వం మెగా డీఎస్సీకి గ్రీన్ సిగ్నల్ ఇచ్చింది. దీని ద్వారా 6,100 టీచర్ పోస్టులను భర్తీ చేయనున్నారు.