నిరుద్యోగులకు గుడ్ న్యూస్.. మరో 295 పోస్టులకు మెడికల్ బోర్డు గ్రీన్ సిగ్నల్

దిశ, తెలంగాణ బ్యూరో: ఇటీవల ప్రభుత్వ మెడికల్ కాలేజీల్లో అసిస్టెంట్ ప్రొఫెసర్ పోస్టుల భర్తీకి ఇచ్చిన నోటిఫికేషన్‌లో మెడికల్ ​బోర్డు మార్పులు చేసింది. ఈ మేరకు సోమవారం మెడికల్ రిక్రూట్‌మెంట్ బోర్డు ఓ నోటిఫికేషన్‌ను విడుదల చేసింది. గతంలో 1147 పోస్టుల భర్తీకి నోటిఫికేషన్​ ఇవ్వగా, ప్రస్తుతం వాటికి అదనంగా మరో 295 పోస్టులను యాడ్ చేసింది. ఓవరల్‌గా 1442 పోస్టులను భర్తీ చేయనున్నట్టు తాజా నోటిఫికేషన్‌లో పేర్కొంది. 34 విభాగాల్లో ఖాళీలు ఉండగా, మహిళల రిజర్వేషన్లకు సంబంధించి సుప్రీంకోర్టు తీర్పును అనుసరిస్తూ కొత్త రోస్టర్‌‌ను బోర్డు విడుదల చేసింది.