దిశ ఎన్ కౌంటర్ ఘటనపై హైకోర్టులో విచారణ

దిశ, డైనమిక్ బ్యూరో: సంచలనం సృష్టించిన దిశ ఎన్ కౌంటర్ ఘటనపై తెలంగాణ హైకోర్టులో బుధవారం విచారణ జరిగింది. ప్రభుత్వం తరపున లాయర్ నిరంజన్ రెడ్డి వాదనలు వినిపించగా బాధితుల తరపున లాయర్ కృష్ణమాచార్య వాదించారు. ఈ సందర్భంగా కృష్ణా మాచార్య వాదనలు వినిపిస్తూ ఎన్ కౌంటర్ లో పాల్గొన్న 10 మంది పోలీసులకు హైకోర్టు నోటీసు ఇచ్చిందని, ఈ ఎన్ కౌంటర్ సమయంలో సీపీగా ఉన్న సజ్జనార్ కు నోటీస్ అందుకున్నారని పేర్కొన్నారు. ఇరువైపుల వాదనలు విన్న హైకోర్టు తదుపరి విచారణ జూన్ 21కి వాయిదా వేసింది.