TGPSC Group-2 : గ్రూప్‌-2 అభ్యర్థులకు అలర్ట్.. హాల్‌టికెట్స్ డౌన్‌లోడ్ ఎప్పుడంటే?

దిశ, డైనమిక్ బ్యూరో: తెలంగాణ పబ్లిక్‌ సర్వీస్‌ కమిషన్‌ (టీజీపీఎస్సీ) గ్రూప్-2 అభ్యర్థులకు కీలక అలర్ట్ ప్రకటించింది. గ్రూప్-2 పరీక్షల హాల్ టికెట్లను డిసెంబర్ 9 నుంచి డౌన్‌లోడ్ చేసుకోవచ్చని టీజీపీఎస్సీ తెలిపింది. డిసెంబర్‌ 15, 16 తేదీల్లో పరీక్షలు నిర్వహించనున్నారు. ఉదయం, మధ్యాహ్నం రెండు సెషన్లలో పరీక్షలు జరగనున్నాయి. రాష్ట్రంలో మొత్తం 783 గ్రూప్‌-2 ఉద్యోగాలకు 5.51లక్షల మంది అభ్యర్థులు దరఖాస్తు చేసుకున్న విషయం తెలిసిందే.