కాంగ్రెస్ పార్టీకి బిగ్ షాక్.. గులాబీ గూటికి వన్నెల ?

దిశ, తాంసి : బోథ్ లో కాంగ్రెస్ పార్టీకి భారీ షాక్ తగలనుందా ? దీనికి అవుననే సమాధానం వినిపిస్తోంది. ఆ పార్టీకి చెందిన కీలక నేత బీఆర్ఎస్ లో చేరనున్నట్లు సమాచారం. టీపీసీసీ కార్యవర్గ సభ్యులు వన్నెల అశోక్ కు కాంగ్రెస్ పార్టీ రెండవ జాబితాలో బోథ్ టికెట్ ఖరారు చేసింది. దీంతో ఆయన ప్రచారం సైతం మొదలు పెట్టారు.

తీరా చివరి నిమిషంలో బీఫారం మాత్రం ఆడె గజేందర్ కు ఇచ్చింది. దీంతో తీవ్రఅసంతృప్తితో ఉన్న ఆయన తన అనుచరులతో కలిసి సమావేశమై, బీఆర్ఎస్ పార్టీ నాయకులతో సంప్రదింపులు జరిపినట్లు సమాచారం. బుధవారం తన అనుచరులతో కలిసి గులాబీ పార్టీ తీర్ధం పుచ్చుకునేందుకు సిద్ధమైనట్లు తెలుస్తోంది.