మావోయిస్టుల కదలికలపై నిఘా పెట్టాలి

దిశ, ఆసిఫాబాద్: జిల్లాలో మావోయిస్టుల కదలికల పై ప్రత్యేక నిఘా పెట్టాలని జిల్లా ఎస్పీ సురేష్ కుమార్ అన్నారు. ఆసిఫాబాద్ జిల్లా పోలీస్ సిబ్బందికి ఏఆర్ హెడ్ క్వార్టర్స్‌లో వారం రోజుల పాటు జరుగుతున్న గ్రేహౌండ్స్ ప్రత్యేక శిక్షణ కార్యక్రమాన్ని శుక్రవారం సాయంత్రం ఆయన పర్యవేక్షించారు. ఈ సందర్భంగా ఆయన సిబ్బందికి పలు సూచనలు చేశారు. పోలీస్ సిబ్బంది శారీరక దారుఢ్యం కోసం, మావోయిస్టు కదలికల పై ప్రత్యేక నిఘా కోసం ఈ ట్రైనింగ్ ఎంతో ఉపయోగపడుతుందన్నారు. ప్రజల్లో శాంతి భద్రతల పరిరక్షణలో పోలీస్ సిబ్బంది నిర్వహించవలసిన బాధ్యతలు, మెలకువలు నేర్చుకోవాలన్నారు. పార్లమెంట్ ఎన్నికలు సజావుగా నిర్వహించేందుకు. చెక్ పోస్టుల వద్ద డ్యూటీలు, వాహనాల తనిఖీ, ఇతర విధుల నిర్వహణకు ఈ శిక్షణ ద్వారా నేర్చుకోవాలని సిబ్బంది సూచించారు.