ఒక్కరోజే హైదరాబాద్‌లో 16 అగ్ని ప్రమాదాలు

దిశ, వెబ్‌డెస్క్: హైదరాబాద్‌లోని నాంపల్లి బజార్‌ఘాట్ అగ్నిప్రమాదంపై అధికారుల దర్యాప్తు కొనసాగుతోంది. ఆ అపార్ట్‌మెంట్ యజమాని రమేష్ జైస్వాల్ ప్రస్తుతం ఆసుపత్రిలో చేరి చికిత్స పొందుతున్నాడు. రమేష్ మీద మూడు సెక్షన్ల కింద పోలీసులు కేసు నమోదు చేశారు. 304, 285, 286, సెక్షన్ 9 క్లాజ్ బీ కింద కేసులు పెట్టారు. డిశ్చార్జ్ కాగానే అదుపులోకి తీసుకుంటామని పోలీసులు పేర్కొన్నారు. ఇదిలా ఉండగా.. ఇవాళ ఆ బిల్డింగ్ పటిష్టతను జేఎన్‌టీయూ‌ బృందం పరిశీలించనుంది. కేవలం మూడు రోజుల వ్యవధిలోనే మొత్తం గ్రేటర్ హైదరాబాద్‌లో 30కి పైగా అగ్ని ప్రమాదాలు జరిగినట్లు అధికారులు చెప్పారు. నిన్న ఒక్కరోజే హైదరాబాద్‌లో 16 అగ్ని ప్రమాదాలు జరిగాయని తెలిపారు. సమగ్ర విచారణ జరిపి ప్రభుత్వానికి నివేదిక సమర్పిస్తామని పేర్కొన్నారు.