WhatsApp: వాట్సాప్‌లో మరో సరికొత్త ఫీచర్..ఇక నుంచి సాధారణ కాలింగ్ ఆప్షన్!

దిశ,వెబ్‌డెస్క్: వాట్సాప్ యూజర్లకు ఎప్పటికప్పుడు మెరుగైన ఫీచర్లను అందించే ఇన్‌స్టంట్ మెసేజింగ్ యాప్ ‘వాట్సాప్’ మరో సరికొత్త ఫీచర్‌ను తీసుకురాబోతోంది. వాట్సాప్‌లో ఉన్నప్పుడు సడెన్‌గా ఎవరికైన కాల్ చేయాలి అనుకుంటే వాట్సాప్ నుంచి ఎగ్జిట్ అయి కాంటక్ట్‌లోకి వెళ్లి కాల్ చేయాల్సి ఉంటుంది. కానీ ఇప్పుడు ఆ టెన్షన్ లేకుండా మరో అదిరిపోయే ఫీచర్ అందుబాటులోకి రానుంది. ‘వాట్సాప్’ నుంచే సాధారణ కాలింగ్ ఆప్షన్‌ అందించేందుకు ‘మెటా’ కృషి చేస్తున్నట్లు సమాచారం. ఈ మేరకు త్వరలోనే ‘ఇన్-యాప్ డయలర్ ఫీచర్‌’ని జోడించబోతోంది. ఈ ఫీచర్ అందుబాటులోకి వస్తే యూజర్ వాట్సప్‌లోనే ఉండి, సాధారణ కాల్స్ చేసుకోవచ్చు.

కాలింగ్ కోసం యాప్ నుంచి ఎగ్జిట్ కావాల్సిన అవసరం ఉండదు. నేరుగా వాట్సప్ నుంచే కాల్స్ చేసుకోవచ్చు. ఈ మేరకు ఆండ్రాయిడ్ 2.24.13.17 అప్‌డేటెడ్ బీటా వెర్షన్‌లో అందుబాటులో ఉందని WABetaInfo పేర్కొంది. యాప్‌లో కుడివైపున దిగువన కొత్త ఫ్లోటింగ్ యాక్షన్ బటన్‌ కనిపిస్తుందని, దీనికి యాక్సెస్ ఇస్తే కాల్స్ సులభంగా చేసుకోవచ్చునని వాట్సప్‌బీటాఇన్ఫో వివరించింది. కాలింగ్‌తో పాటు మెసేజింగ్ షార్ట్‌కట్ డయలర్ స్క్రీన్‌ కూడా అందుబాటులోకి వస్తుందని వివరించింది. పరిశీలన కోసం ఈ ఫీచర్ ప్రస్తుతం కొంతమందికే అందుబాటులో ఉందని, రాబోయే రోజుల్లో పూర్తిగా అందుబాటులోకి వస్తుందని పేర్కొంది.