టీమిండియాకు బిగ్ షాక్.. ఇంగ్లాండ్‌తో టెస్ట్ సిరీస్‌కు విరాట్ కోహ్లీ దూరం
భారత్ వేదికగా ఇంగ్లాండ్, టీమిండియా జట్ల మధ్య ఐదు మ్యాచుల టెస్ట్ సిరీస్ జరగనుంది. ఈ నెల 25వ తేదీ నుండి ఈ సిరీస్ ప్రారంభం కానుంది.
దిశ, వెబ్ డెస్క్: భారత్ వేదికగా ఇంగ్లాండ్, టీమిండియా జట్ల మధ్య ఐదు మ్యాచుల టెస్ట్ సిరీస్ జరగనుంది. ఈ నెల 25వ తేదీ నుండి ఈ సిరీస్ ప్రారంభం కానుంది. తొలి మ్యాచ్ హైదరాబాద్‌ ఉప్పల్‌లోని రాజీవ్ గాంధీ క్రికెట్ స్టేడియంలో జరగనుంది. ఈ క్రమంలో సిరీస్ ప్రారంభానికి ముందే అతిథ్య టీమిండియాకు బిగ్ షాక్ తగలింది. సిరీస్‌లోని మొదటి రెండు మ్యాచులకు టీమిండియా స్టార్ ప్లేయర్ విరాట్ కోహ్లీ దూరమయ్యాడు. ఈ విషయాన్ని బీసీసీఐ ఇవాళ అధికారికంగా ప్రకటించింది.
వ్యక్తిగత కారణాల రీత్యా కోహ్లీ ఇంగ్లాండ్‌తో జరిగే టెస్ట్ సిరీస్ తొలి రెండు మ్యాచులకు అందుబాటులో ఉండటం లేదని తెలిపింది. కోహ్లీ ప్లేస్‌లో మరో ఆటగాడిని సెలక్షన్ కమిటీ త్వరలోనే భర్తీ చేస్తుందని పేర్కొంది. కాగా, తొలి రెండు మ్యాచులకు బీసీసీఐ ఇప్పటికే భారత జట్టును ప్రకటించిన విషయం తెలిసిందే. కోహ్లీ దూరం కావడంతో రోహిత్ శర్మకు ఓపెనింగ్ జోడిగా యంగ్ ప్లేయర్ యశస్వీ జైస్వాల్ రానున్నట్లు తెలుస్తోంది. మరో యువ ఓపెనర్ శుభమన్ గిల్ కోహ్లీ ఆడే మూడు స్థానంలో బ్యాటింగ్‌కు వచ్చే అవకాశం ఉంది.