స్టార్ క్రికెటర్ విరాట్ కోహ్లీ హెయిర్‌స్టైల్ ఎన్ని లక్షలో తెలిస్తే ఖంగుతినాల్సిందే?

దిశ, వెబ్‌డెస్క్: ఐపీఎల్ 2024 లో భాగంగా జైపూర్ వేదికగా రాజస్థాన్ రాయల్స్, బెంగళూరు జట్ల మధ్య మ్యాచ్ జరిగిన విషయం తెలిసిందే. ఈ మ్యాచ్‌లో విరాట్ వంద పరుగులు చేసి రికార్డ్ సృష్టించాడు. మొత్తంగా ఐపీఎల్‌లో 7500 ల పరుగులు చేసిన ఏకైక ప్లేయర్‌గా కోహ్లీ నిలిచాడు. అయితే అనూహ్యంగా నిన్నటి మ్యాచ్‌లో రాజస్థాన్ గెలవడంతో విరాట్ కోహ్లీ సెంచరీ వృథా అయింది. మిగతా బ్యాటర్లు సహకరించకపోవడంతో.. బౌలర్లు తేలిపోవడంతో రాజస్థాన్ సులభంగా విజయం సాధించింది. అయితే IPL మ్యాచ్ ముందు విరాట్ కోహ్లీ చేయించుకున్న హెయిర్ స్టైల్ ప్రస్తుతం సోషల్ మీడియాలో వైరల్ అవుతోంది. విరాట్ కోహ్లీ చేయించుకున్న హెయిర్ స్టైల్‌కు ఏకంగా రూ. 1 లక్ష వరకు ఉంటుందని వార్త నెట్టింట హల్ చల్ చేస్తోంది. హెయిర్ స్టైల్ కు లక్ష రూపాయలా? అంటూ అభిమానులు ఆశ్చర్యపోతున్నారు.