IPL AUCTION : వేలంలో కేఎల్ రాహుల్‌కు ఎంత ధర పలికిందో తెలుసా?

దిశ, స్పోర్ట్స్ : ఐపీఎల్ వేలంలో ప్రధాన ఆకర్షణగా నిలిచిన ఆటగాళ్ల జాబితాలో టీమిండియా స్టార్ బ్యాటర్ కేఎల్ రాహుల్ ముందు వరుసలో ఉంటాడు. లక్నో అతన్ని రిలీజ్ చేయడంతో రాహుల్ రూ. 2 కోట్ల కనీస ధరతో వేలంలోకి వచ్చాడు. దీంతో అతన్ని ఏ జట్టు కొనుగోలు చేస్తుందో అన్న చర్చ జరిగింది. బెంగళూరు రాహుల్‌ను కొనుగోలు చేస్తుందంటూ వార్తలు వచ్చాయి. కానీ, రాహుల్‌ను ఢిల్లీ క్యాపిటల్స్ సొంతం చేసుకుంది. రూ. 14 కోట్లకు అతన్ని దక్కించుకుంది. మొదటి నుంచి ఢిల్లీ, కోల్‌కతా రాహుల్ ఆసక్తి చూపించాయి. మధ్యలో చెన్నయ్ అతని కోసం రూ.12.25 కోట్ల బిడ్ వేసింది. అయితే, ఢిల్లీ రూ.14 కోట్ల బిడ్ వేసి అతన్ని సొంతం చేసుకుంది. 2022 నుంచి ఈ సీజన్ వరకు లక్నోకు రాహుల్ కెప్టెన్‌గా ఉన్నాడు. ఢిల్లీకి ఆడటం అతనికి ఇదే తొలిసారి.