ఎలాంటి ప్లేయర్ కావాలనుకుంటున్నావ్..Rishabh Pant పై Harsha Bhogle షాకింగ్ కామెంట్స్

దిశ, వెబ్‌డెస్క్: న్యూజిలాండ్‌తో టీ20 సిరీస్‌లో విఫలమైన యువ వికెట్ కీపర్ రిషబ్ పంత్‌పై ప్రముఖ కామెంటేటర్ హర్షా భోగ్లే షాకింగ్ కామెంట్స్ చేశాడు. ఓపెనర్‌గా ప్రమోట్ చేస్తూ టీమ్‌ మేనేజ్‌మెంట్ ఇచ్చిన రెండు అవకాశాలను రిషబ్ పంత్ వృథా చేసుకున్న విషయం తెలిసిందే. రెండో టీ20లో 13 బంతుల్లో 6 పరుగులు చేసిన పంత్.. మూడో టీ20లోనూ 5 బంతుల్లో 11 పరుగులు మాత్రమే చేసి నిర్లక్ష్యపు షాట్‌కు వెనుదిరిగాడు. ఓపెనర్‌గా రిషబ్ పంత్‌ పాత్రను హర్షా భోగ్లే ట్విట్టర్ వేదిక స్పందించాడు. టీ20 క్రికెట్లో.. ముఖ్యంగా ఓపెనర్‌గా పంత్ ఎలాంటి ప్లేయర్ కావాలని అనుకుంటున్నాడో తనకు అర్థం కావడం లేదని ట్వీట్ చేశాడు. రిషబ్ పంత్‌ టాప్‌లో నిలవాలంటే అతను మరింత కష్టపడాలి, నైపుణ్యాలను సాధించాలని హర్షా భోగ్లే హితవు పలికాడు.