BAN vs NZ 3rd ODI: బంగ్లాదేశ్ ఆల్‌రౌండర్‌ అరుదైన ఘనత.. నాలుగో బ్యాటర్‌గా..
దిశ, వెబ్‌డెస్క్: స్వదేశంలో న్యూజిలాండ్‌తో జరుగుతున్న మూడో వన్డేలో బంగ్లాదేశ్ ఆల్‌రౌండర్‌ మహ్మదుల్లా అరుదైన ఘనత సాధించాడు. ఈ మ్యాచ్‌లో వ్యక్తిగత స్కోర్ 1 వద్ద వన్డేల్లో 5000 పరుగుల మార్కును అందుకున్నాడు. తద్వారా వన్డేల్లో బంగ్లాదేశ్ తరఫున ఈ ఘనత సాధించిన నాలుగో బ్యాటర్‌గా రికార్డుల్లోకెక్కాడు. మహ్మదుల్లాకు ముందు తమీమ్‌ ఇక్బాల్‌ (243 మ్యాచ్‌ల్లో 8357 పరుగులు), ముష్ఫికర్‌ రహీమ్‌ (256 మ్యాచ్‌ల్లో 7406), షకీబ్‌ అల్‌ హసన్‌ (240 మ్యాచ్‌ల్లో 7384 పరుగులు) వన్డేల్లో 5000 పరుగుల మార్కును అందుకున్నారు. వన్డేల్లో బంగ్లాదేశ్ తరఫున ఈ ఘనత సాధించిన నాలుగో బ్యాటర్‌గా రికార్డుల్లోకెక్కాడు. కెరీర్‌లో మొత్తంగా 221 వన్డేలు ఆడిన మహ్మదుల్లా 3 సెంచరీలు, 27 హాఫ్‌ సెంచరీల సాయంతో 5020 పరుగులు చేశాడు. అలాగే వన్డేల్లో అతను 82 వికెట్లు పడగొట్టాడు.