వారెవ్వా.. ఓలీ పోప్

రెప్పపాటులో సింగిల్ హ్యాండ్‌తో స్టన్నింగ్ క్యాచ్

దిశ, వెబ్ డెస్క్: న్యూజిలాండ్‌తో జరుగుతున్న టెస్ట్ మ్యాచ్‌లో ఇంగ్లాండ్ క్రికెటర్ ఓలీ పోప్ సంచలన క్యాచ్ ను అందుకున్నాడు. ఇందుకు సంబంధించిన సోషల్ వీడియో సంచలనంగా మారింది. వెల్లింగ్టన్‌లో జరుగుతున్న టెస్ట్‌ మ్యాచ్‌లో న్యూజిలాండ్ - ఇంగ్లాండ్ జట్లు హోరాహోరీగా తలపడుతున్నాయి. ఇప్పటికే కొత్త కుర్రాడు బ్రూక్ వీర విధ్వంసం సృష్టించిన సంగతి తెలిసిందే. ఆ విషయం పక్కన పెడితే రెండో టెస్టులో ఇంగ్లాండ్‌ ఆటగాడు ఓలీ పోప్ సంచలన క్యాచ్ పట్టి అందరినీ ఆకట్టుకున్నాడు.

న్యూజిలాండ్ తొలి ఇన్నింగ్స్‌‌లో జాక్ లీచ్ వేసిన 25వ ఓవర్‌‌లో నికోల్స్ రివర్స్ స్వీప్ ఆడాడు. అయితే, తప్పడు షాట్ సెలక్షన్‌తో బంతి గింగిరాలు తిరిగిందో కానీ అనూహ్యంగా బ్యాట్ ఎడ్జ్ తీసుకుని బాల్ అతడి హెల్మెట్‌కు తాకి సిల్లీ పాయింట్ దిశగా వెల్లింది. ఈ క్రమంలో అక్కడ ఫీల్డింగ్‌ చేస్తున్న పోప్ సింగిల్ హ్యాండ్‌తో బంతిని ఒడిసిపట్టుకున్నాడు. దీనిని ఊహించని నికోల్స్ (30) నిరాశగా మైదానాన్ని వీడాడు. ఇక రెండో రోజు ఆటముగిసే సమయానికి తొలి ఇన్నింగ్స్‌లో కీవీస్ 7 వికెట్ల నష్టానికి 138 పరుగులు చేసింది. అంతకముందు ఇంగ్లాండ్ 87.1 ఓవర్లలో 435 పరుగులు చేసి ఇన్నింగ్స్‌ను డిక్లేర్ చేసింది.