నిరుద్యోగులను చంపిన నర హంతకుడు కేసీఆర్.. షర్మిల తీవ్ర ఆరోపణలు

దిశ, తెలంగాణ బ్యూరో : నిరుద్యోగుల ఆత్మబలిదానాల మీద పదవులు అనుభవిస్తూ, నోటిఫికేషన్లు ఇవ్వకుండా నిరుద్యోగులను చంపుతున్న హంతకుడు ముఖ్యమంత్రి కేసీఆర్ అని వైఎస్సార్​తెలంగాణ పార్టీ చీఫ్​షర్మిల బుధవారం ట్విట్టర్​వేదికగా మండిపడ్డారు. కేసీఆర్‌కు ఉద్యమకారుడినని చెప్పుకోవడానికి సిగ్గుండాలని దుయ్యబట్టారు. కేసీఆర్‌కు కనికరం కూడా లేదని, ఇంకెంత మందిని బలితీసుకొంటే నోటిఫికేషన్లు వేస్తారు దొర అని సెటైర్లు వేశారు.

ఎవరో చస్తే నాకేంటి అనుకుంటున్న కేసీఆర్‌కు కనీసం చీమ కుట్టినట్టుగా కూడా లేదన్నారు. కేసీఆర్‌కు సీట్లు, ఓట్ల మీదున్న ఆరాటం యువత ప్రాణాలు మీద లేదని ఆగ్రహం వ్యక్తంచేశారు. ఈ ఏడాది దాదాపు 20 మందికి పైగా నిరుద్యోగులను చంపిన హంతకుడు కేసీఆర్​అని ఆరోపించారు. మరో నిరుద్యోగి ప్రాణం పోకముందే నోటిఫికేషన్లు వేయాలని, లేదంటే రాజీనామా చేయాలని షర్మిల డిమాండ్ చేశారు.