మరో అరుదైన గౌరవం దక్కించుకున్న Shah Rukh Khan.. ఆ జాబితాలో ఒక్కడే భారతీయుడు!!

దిశ, సినిమా: బాలీవుడ్ బాద్‌షా షారుఖ్ ఖాన్‌కు మరో అరుదైన గౌరవం దక్కింది. ప్రముఖ బ్రిటీష్ మ్యాగజైన్ రూపొందించిన 50 మంది అంతర్జాతీయ అత్యుత్తమ నటుల జాబితాలో ఒకే ఒక్క భారతీయుడిగా చోటు సంపాదించాడు. ఈ మేరకు 'ఎంపైర్ మ్యాగజైన్' అధికారిక వెబ్‌సైట్ విడుదల చేసిన లిస్ట్‌లో డెంజెల్ వాషింగ్టన్, టామ్ హాంక్స్, ఆంథోనీ మార్లన్ బ్రాండో, మెరిల్ స్ట్రీప్, జాక్ నికల్సన్ తదితర దిగ్గజ నటుల సరసన షారుఖ్ చేరడం విశేషం. కాగా షారుఖ్ ఈ ఘనత సాధించడంపై ప్రస్తావించిన ఎంపైర్ మ్యాగజైన్.. 'గొప్ప తేజస్సు..క్రాఫ్ట్‌పై సంపూర్ణ నైపుణ్యంతోనే మీరు ఈ స్థాయికి చేరుకున్నారు. దాదాపు ప్రతీ పాత్రలో మీ నటన సౌకర్యవంతంగా అనిపిస్తుంది. మీరు చేయలేని క్యారెక్టర్ ఏదీ లేదు. మీ రికార్డులను మీరే తిరగరాస్తూ కోట్లాది మంది అభిమానులను సంపాదించుకున్నారు' అంటూ ప్రశంసలు కురిపించింది. చివరగా ఆయన నటించిన నాలుగు గొప్ప చిత్రాల్లో పాత్రలను ప్రస్తావిస్తూ..దేవదాస్ ముఖర్జీ (దేవదాస్ ), రిజ్వాన్ ఖాన్ (మై నేమ్ ఈజ్ ఖాన్), రాహుల్ ఖన్నా (కుచ్ కుచ్ హోతా హై), మోహన్ భార్గవ (స్వదేశ్) హైలైట్ చేయడంతోపాటు 2012 చిత్రం 'జబ్ తక్ హై జాన్' నుంచి 'జీవితం మనల్ని రోజూ కొద్ది కొద్దిగా చంపుతుంది. కానీ బాంబు ఒక్కసారే చంపుతుంది' అనే డైలాగ్‌ను తన కెరీర్‌లో 'ఐకానిక్ లైన్'గా గుర్తించింది.

Also Read....

హిందువుల వల్లే ముస్లింలు ధనవంతులయ్యారు: కొనసాగుతున్న 'ది కశ్మీర్ ఫైల్స్' వివాదం