జనం ఛీ కొడుతున్న వారినే బీజేపీ నెత్తిన పెట్టుకుంది : RSS

దిశ, వెబ్‌డెస్క్: కేంద్రంలోని బీజేపీ ప్రభుత్వంపై రాష్ట్రీయ స్వయం సేవక్ సంఘ్(ఆర్ఎస్ఎస్) తీవ్రస్థాయిలో ఆగ్రహం వ్యక్తం చేసింది. ఇటీవల జరిగిన పశ్చిమ బెంగాల్ అసెంబ్లీ ఎన్నికల్లో బీజేపీ తప్పటడుగులు వేసిందని సంచలన వ్యాఖ్యలు చేసింది. తృణముల్ అసమ్మతి వాదులపై ఆధారపడి బీజేపీ పప్పులో కాలేసింది అని విమర్శించింది. జనం ఛీ కొడుతున్న వాళ్లనే బీజేపీ నెత్తిన పెట్టుకున్నదని మండిపడండి. కాగా.. బీజేపీ తప్పుడు మార్గంలో వెళుతోందని మార్చిలోనే చెప్పామని గుర్తుచేశారు. బీజేపీ తప్పుడు నిర్ణయాలతో పార్టీ సొంత ఓట్లు కూడా తృణముల్‌కు పడే పరిస్థితి తెచ్చారని అసహనం వ్యక్తం చేశారు. బెంగాల్‌లోని నాలుగు పెద్ద జిల్లాల్లో బీజేపీ సున్నా సీట్లు వచ్చాయంటే పరిస్థితిని ఏంటో అర్థం చేసుకోవాలని హితవు పలికారు. ఇప్పటికైనా పునరాలోచించి, తప్పుడు నిర్ణయాలు తీసుకోకుండా, తప్పుడు మార్గం పట్టకుండా, జాగ్రత్త పడాలని సూచించారు.