మ్యాడీతో కింగ్ ఖాన్ ఇంటర్వ్యూ.. ఎగ్జైట్‌‌మెంట్‌లో ఫ్యాన్స్!

దిశ, సినిమా: ఎవర్ గ్రీన్ హీరో మాధవన్ దర్శకనిర్మాతగా వ్యవహరిస్తూ తెరకెక్కిస్తున్న చిత్రం ‘రాకెట్రి : ద నంబి ఎఫెక్ట్’. ఇండియన్ బయోగ్రాఫికల్ డ్రామాగా వస్తున్న సినిమా.. మాజీ ఇస్రో శాస్త్రవేత్త నంబి నారాయణన్ జీవితకథ ఆధారంగా రూపొందుతోంది. ఈ చిత్రంలో జర్నలిస్టుగా కింగ్ ఖాన్ షారుఖ్ ఖాన్ గెస్ట్ అప్పియరెన్స్ ఉంటుందనేది సమాచారం కాగా.. లేటెస్ట్ రిపోర్ట్స్ ప్రకారం షారుఖ్ ఓ కీలకపాత్రలో కనిపించబోతున్నాడని తెలుస్తోంది. త్వరలోనే ట్రైలర్ రిలీజ్ చేయనున్నారని.. ఇందులోనూ షారుఖ్ కనిపిస్తాడని సమాచారం. ట్రైలర్‌లో ఎస్ఆర్‌కే మ్యాడీని ఇంటర్వ్యూ చేస్తాడని.. ఇప్పటికే ట్రైలర్ వర్క్ కూడా పూర్తయిందని బీటౌన్ టాక్. ఈ వార్తతో కింగ్ ఖాన్ ఫ్యాన్స్ ఎగ్జైట్ అవుతున్నారు. ఈ చిత్రంలో మాధవన్, నంబి నారాయణన్ క్యారెక్టర్‌లో కనిపించబోతుండగా.. ఇంగ్లీష్, హిందీ, తెలుగు, తమిళ చిత్రాల్లో సినిమా రిలీజ్ చేసే ప్లాన్‌లో ఉన్నారు మేకర్స్. సామ్ సీఎస్ సంగీతం సమకూరుస్తున్న సినిమాలో సిమ్రన్ కీలకపాత్ర చేస్తోంది.